khushi ne mujhko thukaraya hai ranj-o-gham ne paala hai
gulon ne berukhi ki hai toh kaanton ne sambhala hai
muhabbat mein khayal-e-saahil-o-manzil hai nadani
jo inn raahon mein lut jaaye vahi taqadiir wala hai
charaagan kar ke dil bahla rahe ho kya jahan walo
andhera lakh raushan ho ujala phir ujala hai
kinaron se mujhe ae nakhuda duur hi rakhna
vahan le kar chalo tufan jahan se uthane wala hai
nasheman hi ke lut jaane ka gham hota toh kya gham tha
yahan toh bechane waalon ne gulshan bech daala hai
No comments:
Post a Comment